|
讲起做生意格行当么，人家常常讲有“三百六十行”，可是，拉现在迭格口才学信息社会里，新格行当真是层出勿穷。李明搭仔张小芳夫妻俩嘎头下岗以后，突然想口才学出来开仔一家“夕阳红安慰公司口才学”，创建仔浦东地面郎一个新格行当。所谓“安慰口才学”，就是设法满足老年重病人最后格要求，口才学或者替伊格一些大忙人照顾伊拉生命垂危格亲人，搭伊拉带来最后一点温暖搭仔口才学安慰。
最近一段辰光，由于三春天阴雨绵绵，街路里荡白相格人少仔交关，生意也变得清淡起来，李明坐拉公司里，闲来呒啥做，拉剥剥香瓜子。突然，一个中年人带仔一股冷风推门进来，急匆匆格对李明讲：“喂，老板，你们能否给一个癌症病人送去临终前最后的安慰？”李明格面孔郎马上挂满仔微笑：“没问题，请讲讲您格要求。”
中年人讲，伊姓赵，伊格王老师得仔癌症，已经快不来讪了。王老师一辈子没儿没女，拿全部格心血在献拨了学生。前几日，王老师还清醒格辰光，跟伊讲起过一个人，伊个人就是拉三十多年前，伊教过格一个学生，名字叫薛英。当年，这薛英爱慕老师博学多才、温柔善良，于是，拉毕业后对王老师吐露仔心事。伊格辰光，王老师也是一个热血青年，两颗年轻格心碰拉一道，碰出了火花，邪气快格就恋爱成婚。
啥人晓得，新婚勿久，一场史无前例格“文化大革命”开始了，王老师因为对当时格时局发表仔一点看法，就拨伊拉打成仔“现行反革命”，判仔无期徒刑，送到仔新疆去服刑。薛英被迫离婚，带仔儿子又嫁仔人……
中年人讲，王老师临终前唯一格愿望，就是想见见薛英，嘎能样子么，他也可以含笑九泉了。
李明听完仔中年人格叙述，连忙讲：“王先生，您是勿是想让我伲帮侬寻找一下薛英啊？”中年人摇摇头讲：“不是的，王老师当年所在的那个镇，我们已经全都找遍了，谁也不知道她去了哪里！我们想让您给找个人扮演一下薛英。时间越快越好，我的王老师已经没有多少时间了。”
李明马上点头答应仔下来，讲一定尽快派人到医院里去。
可是，一直到仔中郎厢太阳晒到当头顶，李明还没有寻着合适格人来扮演薛英，伊急得来像热锅郎厢格蚂蚁，在屋里厢走过来，走过去。就拉迭格晨光，伊格大娘子张小芳正好买小菜回转来了，伊连忙把薛英格事体讲拨来大娘子听。大娘子一听，就讲：“迭格有什么好为难格呢，那娘伊勿是将近60岁了伐？正好符合迭个年龄段呀。而且那娘伊知书达理，又斜气有同情心，我想，她一定会答应格。”
李明一听，高兴得来跳仔起来，讲：“对拉格，我哪能就没想到呢？伲毫稍快点一道回转去，搭姆妈商量一下，让伊也献献爱心。” 两个人回到仔屋里相，搭老太太讲仔王老师格故事，没想到老太太闲话也没讲一句，换仔一件衣裳，就搭仔小夫妻俩家头赶到仔医院里。 伊个姓赵格中年人正搭仔一群大学生守拉病房门口头，一看，老太太来哉，伊格中年人马上跑过来，握老仔老太太格手，想交代几句。老太太却挥挥手讲：“那啥人也用不着多讲，我晓得应该哪能搭伊讲！” 老太太推开病房门格一刹那，眼泪水已经像泉水一样夺眶而出，只看见她格嘴唇拉抖发抖发，三步并作两步就扑到仔病床前头，声音也有眼抖发抖发格讲：“老王，王老师，薛英看你来了！”
病床上，迷迷茫茫格王老师，听见这一声好像来自天边格叫声，突然之间睁开眼睛，癌瞪瞪格看着眼门前迭格举止端庄格老年妇女，好像要寻着当年薛英格影子。
老太太伸手把王老师伊格一双瘦骨伶仃格手握老仔，贴在自家格面孔郎，眼泪水象黄河决堤一样滚滚而下，交关辰光讲不出一句闲话来。
王老师格嘴巴角动了一下，艰难地说：“我、我寻仔你交关年数，我当年生怕连累侬，只得搭侬离婚，外加不敢搭你写信，侬勿会怪我伐？”老太太只晓得哭，讲勿出闲话来。王老师继续讲：“介许多年数了，侬晓得，我心里厢有几毫想侬你伐？可是，我、我不晓得到啥地方去寻侬呀！”老太太伸手搭王老师擦脱仔眼泪水，轻声讲：“我也一直没忘记侬，侬看，迭格是侬当年送拨我格，我一直保存拉身边头……”讲好么，老太太从袋袋里摸法摸法，摸出来出一支褪仔颜色格钢笔，送仔过去。王老师接过钢笔，两只眼睛立刻放出光来，激动格讲：“薛……薛英，真想不到，我……我还能碰着侬……，侬……侬日脚过来好拉伐？”
老太太眼泪水流仔一面孔：“我生活来蛮好，真格斜好！儿子么孝顺，媳妇么体贴，诺，旁边迭格两个就是。”听伊嘎能一讲么，王老师意思里让伊扶自己坐起来，接着，伊一只手抚在老太太面孔郎，一双眼睛朝儿子媳妇看仔看，苍白的面孔郎出现仔满意的笑容，斜气吃力格讲：“只、只要那日脚过、过得好，我、我就可以放、放心格走、走了，迭、迭辈子欠、欠那格情，只、只有来生、来世再、再……”闲话没讲完么，王老师抚在老太太面孔郎厢格手慢慢格滑仔下来，终于带着微笑离开了迭格世界。
“老王，王老师……”老太太呼天抢地格叫着，眼泪水一串串格滚落下来。
医生、护士走过来，拿走仔氧气瓶、盐水瓶等物品，一块洁白格床单，盖拉老人格身郎。李明搭仔张小芳夫妻俩家头亦是吃惊，亦是高兴，想不到姆妈还有嘎好格表演才能，真是太完美了。另外一些守护在老师病床前头格学生，也为老太太格表演深深感动。中年男人慢慢格走过来，眼睛里含仔热泪，对老太太讲：“阿姨啊，真是太谢谢
你了！想不到您还能想出用一支旧钢笔当小道具呀！到底是同一个年代的人，有共同语言嘛。我代表全体王老师的学生向您表示感谢！您的表演让我们大家感动，您让我的老师含笑九泉了！我、我要给您双倍的报酬……”
老太太马上挥手打断仔中年人格闲话，“你拉瞎讲点啥拉，我就是那格师姐，我就是当年格薛英呀！”讲完么，伊慢慢格低下身去，轻轻格掀开白床单，眼泪水流拉王老师已经冰凉格额角头郎厢，伊深深吻了一下王老师，接着，用手撸平仔王老师微微睁开格眼睛。
然后，转过身，对仔癌拉坂坂头格儿子搭仔媳妇讲：“那两家头毫稍距下来。李明、小芳，迭格是那格亲爷、公阿爹呀……”
“啊？伊是我格爷老头？刚刚见面就永远分离格爷老头？”李明马上拉仔大娘子格手，距拉地郎厢，一个讲：“阿爸，对勿起，我伲来迟了！”另一个讲：“公阿爹，请侬快点再张开眼睛，看一眼侬格儿子搭仔媳妇好伐？”
| 
